شوف "أحبك" في شفاهي خجوله

بين المشاعر / والدقايق / والأقـدار
لِمحت لك عيـن ٍ تناظـر خجولـه
وبين الدفاتر / والخواطر / والأشعار
( قلت : أبتدينا يا حياتي طفولـه )
بيني وبينك ودْ .. وعهود .. واسرار
نبْت الهوى مـن ملتقانـا سيولـه
بيني وبينك حِلـم وافكـار واسـوار
صعبٍ على كـل الخلايـق تطولـه
بيني وبينك روح .. / ياروح الاحرار
فيها من اشـواق المحبّيـن دولـه
بيني وبينـك كـون مافيـه غـدّار
فيه الوفا مولود ... / حنا أصولـه
كف الغلا ممدود باصرار .. باصرار
ماحرّكـت فيـه المسافـه ميـولـه
جيتي غلا / جيتك غلا .. مابها عار
العار نسمع عنْـه / لا مـا ننولـه
من بيننا حلقـات مـن دون معيـار
والعشق يلعب دورنـا / والبطولـه
" فمان شوقي " واللقا بيـد الاقـدار
شوف "أحبّك" في شفاتـي خجولـه

» تدري أني أحبك
» والله أحبك
» أحبك كلمه لها معانيها وما أقولها ألا لما أعنيها
» قدرت بكلمه أحبك تجيب أقصاي وهبالي
» "هذي آخر أخباري"